<<
>>

КРАТКАЯ РЕДАКЦИЯ ТЕКСТ ПО АКАДЕМИЧЕСКОМУ СПИСКУ ПРАВДА РОСЬКАЯ

/. Убьетъ муж(ь) мужа, то мъститъ брату брата, или сынови отца, любо отцю сына, или братучаду, любо сестрину сынови; аще не будетъ кто мъстя, то 40 гривен за голову; аще будетъ русин, любо гридин, любо купчина, любо ябетник, любо меч- ник, аще изъгои будетъ, любо Словении, то 40 гривен положи­ти за нъ.

2. Или будетъ кровав или синь надъражен, то не искати ему видока человеку тому; аще не будетъ на нем знамении никото­раго же, то ли приидеть видок; аще ли не можетъ, ту тому ко­нецъ; оже ли себе не можетъ мъстити, то взяти ему за обиду 3 гривне, а летцю мъзда.

3. Аще ли кто кого ударитъ батогом, любо жердью, любо пястью, или чашею, или рогом, или тылеснию, то 12 гривне; аще сего не постигнуть, то платити ему, то ту конецъ.

4. Аще утнеть мечем, а не вынем его, любо рукоятью, то 12 гривне за обиду.

5. Оже ли утнеть руку, и отпадетъ рука любо усохнетъ, то 40 гривен.

6. Аще будетъ нога цела или начънетъ храмати, тогда ча­да16смирятъ.

7. Аще ли перст утнеть который любо, 3 гривны за обиду.

8. А во усе 12 гривне, а в бороде 12 гривне.

9. Оже ли кто вынезь мечъ, а не тнеть, то тъи гривну поло­жить.

10. Аще ли ринетъ мужъ мужа любо от себе любо к собе, 3 гривне, а видока два выведетъ; или будетъ варяг или колбяг, то на роту.

11. Аще ли челядин съкрыется любо у варяга, любо у колъ- бяга, а его за три дни не выведутъ, а познаютъ и в третий Денъ, то изымати ему свои челядин, а 3 гривне за обиду.

12. Аще кто поедетъ на чюжем коне, не прошав ег(о), то Ъо(ло)жити 3 гривне.

^3. Аще поиметь кто чюжь конь, любо оружие, любо порт, апознаетъ в своемъ миру, то взяти ему свое, а 3 гривне за обиду.

14. Аще познаетъ кто, не емлетъ его, то не рци ему: мое, нъ рци ему тако: поиди на свод, где ecu взял; или не пойдетъ, топоручника за пятъ днии.

Аже где възыщетъ на друзе проче, а он ся запирати почнетъ, то ити ему на извод пред 12 человека; да аще будетъ иДя не едал будетъ, достойно ему свои скот, а за обиду 3 гРивне.

^б. Аще кто челядин пояти хощетъ, познав свои, то к оному

вести, у кого то будетъ купил, а той ся ведетъ ко другому, да- же дойдетъ до третьего, то рци третьему: вдаи ты мне своі челядин, а ты своего скота ищи при видоце.

17. Или холоп ударить свободна мужа, а бежить в хором а господин начнетъ не дати его, то холопа пояти, да платитъ господин за нъ 12 гривне; а за тым, где его налезуть удареньи тоиъмужь, да бьютъ его.

18. А иже изломить копье, любо щит, любо порт, а начнетъ хотети его деръжати у себе, то приати скота у него; а иже еСтъ изломил, аще ли начнетъ приметати, то скотом ему заплатити, колъко дал будетъ на нем.

Правда уставлена руськои земли, егда ся съвокупил Изяс- лав, Всеволод, Святослав, Коснячко, Перенег, Микыфор Кыя- нин, Чюдин Мику ла.

19. Аще убьютъ огнищанина в обиду, то платити за нъ8fi гривен убиици, а людем не надобе; а в подъездном княжи8(j гривен.

20. А иж(е) убьютъ огнищанина в разбои, или убийца ні ищутъ, то вирное платити, в ней же вири голова начнетъ леі жати.

21. Аже убиють огнищанина у клети, или у коня, или у го- вяда, или у коровье татъбы, то убити в пса место; а то же not кон и тивуницу.

22.А в княжи тивуне 80 гривен.

23. А конюх старый у стада 80 гривен, яко у стаей. Изяслав в своем конюсе, его ж(е) убиле Дорогобудьци.

24.А в сельском старосте княжи и в ра(та)инем 12 гривне,

25.А в рядовници княже 5 гривен.

26.А в смерде и в хо(ло)пеХ9 5 гривен.

23. Аще роба кормилица любо кормиличиц 12.

28. А за княжъ конь, иже той с пятном, 3 гривне, а за смер деи 2 гривне, за кобылу 60 резан, а за вол гривну, а за корові 40 резан, а третъякъ 15 кун, а за лонъщину пол гривне, а зі теля 5 резан, за яря ногата, за боран ногата.

29.А оже уведетъ чюжъ холоп любо робу, платити емуэі

обиду 12 гривне20. |

30. Аще же приидеть кровав мужъ любо синь, то не искат/ ему послуха.

31. А иже крадетъ любо кон(ъ), любо волы, или клетъ, д аще будетъ един крал, то гривну и тридесят резан платит ему; или их будетъ 18, то по три гривне и по 30 резан платит мужеви.

32. А в княже борти 3 гривне, -любо пожгутъ любо изуд рутъ.

33. Или смерд умучать, а без княжа слова, за обиду гривны; а в (о)гнищанине, и в тивунице, и в мечници Г гривъне.

34.А иже межу переоретъ любо перетес, то за обиду 1

гривне. 4

35.А оже лодъю украдетъ, то за лодъю платити 30 реза^

а продажи 60 резан. ,

36. А в голубе и в куряти 9 кун, а в утке, и в гусе, и в же- раве, и в лебеди 30 резан; а продажи 60 резан.

37. А оже украдутъ чюжъ пес, любо ястреб, любо сокол, то за обиду 3 гривны.

38. Аще у бьютъ татя на своем дворе, любо у клети, или у хлева, то той убит; аще ли до света держатъ, то вести его на княжь двор; а оже ли убъютъ, а люди будутъ видели связан, то платити в немъ.

39.Оже сено крадутъ, то 9 кун; а в дровех 9 кун.

40. Аже украдутъ овъиу, или козу, или свинью, а их будетъ 10 одину овъцу украле, да положатъ по 60 резан продажи; а хто изимал, тому 70 резан.

41. А от гривни мечнику куна, а в десятину 15 кун, а князю 3 гривны; а от 12 гривну емъцю 70 кун, а в десятину 2 грив­не, а князю 10 гривен.

42. А се поклон вирныи: вирнику взяти 7 ведор солоду на неделю, тъж(е) овен любо полот, или две ногате; а в сред(у) резану въже сыры, в пятницу тако же; а хлеба по колъку мо­гутъ ясти, и пшена; а кур по двое на день; коне 4 поставити и сути им на рот, колъко могут зобати; а вирнику 60 гривен и 10 резан и 12 веверици, а переде гривна; или ся пригоди в говение р(ы)бами, то взяти за рыбы 7 резан; тъ всех кун 15 кун на неделю, а борошна колъко могутъ изъясти; до недели же виру (сберу)тъ вирници; то ти урок Ярославль.

43. А се урок мостъников: аще помостивше мост, взяти от дела ногата, а от городници ногата; аще же будетъ ветхаго моста подтвердити неколико доек, или 3, или 4, или 5, то тое же.

РАЗНОЧТЕНИЯ

18 20

В Арх. списке — чадъ. В Арх. списке — 2 гривне.

19

В Арх. списке — А в смердь и в хо(ло)пе.

<< | >>
Источник: Чистяков О.И.. Российское законодательство X—XX веков. В девяти томах. Т. I. Законодательство Древней Руси.— М.: Юрид. лит.,1984.— 432 с.. 1984

Еще по теме КРАТКАЯ РЕДАКЦИЯ ТЕКСТ ПО АКАДЕМИЧЕСКОМУ СПИСКУ ПРАВДА РОСЬКАЯ:

  1. Приложение №5 ПРОЕКТ ФЕДЕРАЛЬНЫЙ ЗАКОН «О внесении изменений и дополнений в закон РФ «О защите прав потребителей» (в редакции Федерального закона от 09.01.96 ЛГ?2 Ф-3).
  2. Краткий курс лекций
  3. Краткие типовые программы начального этапа расследования посягательства на предприятие, как имущественный комплекс
  4. Краткие типовые программы начального этапа расследования хищений путем мошенничества с использованием ценных бумаг
  5. Глава 3. Обстоятельства, подлежащие установлению, и краткие типовые программы расследования хищений путем мошенничества с использова­нием ценных бумаг
  6. Предисловие
  7. СПИСОК ИСПОЛЬЗОВАННЫХ ЗАКОНОВ, ИНЫХ НОРМАТИВНЫХ ПРАВОВЫХ АКТОВ, ЛИТЕРАТУРЫ И МАТЕРИАЛОВ ПРАКТИКИ
  8. ИСПОЛНИТЕЛЬНОЕ ПРОИЗВОДСТВО В ХОЗЯЙСТВЕННЫХ СУДАХ, ЕГО ЗАДАЧИ И ОСНОВАНИЯ ДЛЯ ИСПОЛНЕНИЯ Минск - 2011, 2011
  9. Чистяков О.И.. Российское законодательство X—XX веков. В девяти томах. Т. I. Законодательство Древней Руси.— М.: Юрид. лит.,1984.— 432 с., 1984
  10. Методические рекомендации по работе с учебной и научной литературой
  11. Нормативные правовые акты и рекомендуемая литература
  12. Приложение № 1: ПРОЕКТ ФЕДЕРАЛЬНЫЙ ЗАКОН «О внесении изменений и дополнений в Гражданский процессуальный кодекс РСФСР»